اللوحة الأم ما هي بس قاعدة تركب عليها القطع. لها دور كبير في استقرار الأداء، دعم المستقبل، ومميزات تفرق
- كثير من العملاء يركزون على كرت الشاشة والمعالج، ويعتبرون اللوحة الأم شيء ثانوي. لكن الحقيقة؟ اختيارك للوحة الأم يأثر على كل شي تقريبًا، من التوافق، إلى التبريد، إلى كسر السرعة وحتى عمر الجهاز.طيب، وش اللي يفرق فعليًا بين لوحة بـ800 ريال ولوحة بـ1800؟الفرق مو بس بالشكل. فيه عوامل حقيقية تبرر السعر:
- جودة التصنيع: اللوحات الأعلى غالبًا تستخدم دوائر طاقة (VRM) أقوى، وتتحمل الضغط لفترات طويلة.
- التبريد: بعض اللوحات تجي بمشتتات حرارية أكبر ومراوح مدمجة.
- عدد ومنافذ التوسعة: لو بتضيف SSDs أكثر، كرت صوت، أو حتى كروت PCIe إضافية، بتحتاج لوحة فيها خيارات أكثر.
- الـBIOS والتحديثات: لوحات الفئة الأعلى تحصل تحديثات أسرع ودعم أوسع للمعالجات الجديدة.
- الميزات الإضافية: مثل Wi-Fi مدمج، Bluetooth، RGB، أو حتى كرت صوت احترافي.
وش سالفة الشرائح؟ Z790؟ B650؟ X670؟
الشرائح تحدد خصائص اللوحة:
- B: خيارات أساسية ومتوسطة، مناسبة لأغلب المستخدمين.
- Z أو X: فئات أعلى، تدعم كسر السرعة، وتجي بخيارات أوسع.
يعني لو ناوي تكسر سرعة المعالج أو تبي تبني جهاز مستقبلي، خذ شريحة Z أو X. أما لو تبي جهاز ممتاز بس بدون تعقيد، فئة B بتخدمك تمام.
متى تدفع أكثر؟
لو جهازك للألعاب فقط ومواصفاتك متوسطة، مو لازم تصرف كثير على اللوحة. بس لو ناوي تطوّر مستقبلاً، تضيف قطع، تبغى شكل احترافي، أو تبي أقصى استقرار، ادفع أكثر من البداية وارتاح.
رأينا في سوفت لاند
إحنا نشوف اللوحة الأم على إنها الأساس. نحرص إنها تكون مناسبة للقطع الحالية، وتدعم الترقية مستقبلاً. كثير من مشاكل التوافق أو الثبات ترجع لاختيار لوحة غير مناسبة. اسألنا، ونساعدك نختار لوحة تشيل جهازك اليوم… وبكرة بعد.
لا توجد منتجات في السلة.